Қазақстан әлемдегі ауасы ластанған жиырма елдің қатарында.

Швейцариялық «AirVisual» компаниясы жүргізген сараптама қорытындысы бойынша, Исландия ауасы ең таза елдердің көшін бастап тұр (5 μg/m3). Таза ауамен қатар өмір сүруге қолайлы мекендердің қатарында Финляндия, Аустралия, Эстония және Швеция бар.

Зерттеу кезінде сарапшылар әлемнің 73 елінде РМ2.5 зиянды бөлшектердің шоғырлануын салыстырған. Нәтижесінде, Өзбекстан 16-шы, Қазақстан 29,8 µg/m³ көрсеткішімен 20-шы орында. Яғни ауасы ластанған жиырма елдің қатарында. Қалалар тізімі бойынша Астана 26 µg/m³ көрсеткішімен ауасы лас қала ретінде тіркелген.

Ауасы ең нашар ел ретінде Бангладеш (97,1 μg/m3) тіркелген. Сондай-ақ Пәкістан, Үндістан, Ауғанстан және Бахрейнде ауа сапасының жоғары деңгейде ластанғаны мәлім болды. Ал Ресей 58-ші, Украина 48-шы орында тұр.

Айта кетейік, Дүниежүзілік денсаулық сақтау ұйымымен ұсынылған қалыпты норма – 10 μg/m3.

"The Qazaq Times"