Фото: https://golos.ua

БҰҰ Африкаға көмекті арттырады. Бұл туралы Reuters хабарлады.

Ұйым жұмыстарының 70%-ға жуығы Африкадағы қақтығыстардың алдын алып, лаңкестікпен күресуге, адам құқықтарын қорғауға және азаматтық қоғам құруға бағытталған. Сонымен қатар, БҰҰ құрлықтың тұрақты экономикалық және әлеуметтік дамуына көп көңіл бөлмек.

Қазіргі уақытта бітімгершілік әскер Орталық Африка республикасында, Суданның екі аймағында, Кот-д'Ивуар, Мали, Либерия және Конго Демократиялық Республикасында қызмет етуде. Осы ретте бейбітшілікті сақтау операциялары қара құрлықтың тоғыз аймағында басталған. Ал халықаралық күштер Батыс Сахарадағы референдумға дайындықты қамтамасыз етіп отыр. Айта кетер бір жайт, Африкадағы халықаралық күштер қатарында қазақстандық әскери байқаушылар да бар.

"The Qazaq Times"