Қазақстан халқы банктерге 6 триллион теңге қарыз.

«Бірінші кредиттік бюро» мәліметінше, бұл көрсеткіш алдыңғы жылмен салыстырғанда 15%-ға артық.  Қазірдің өзінде 92% жеке тұлға екінші деңгейдегі банктерге, 5%-ы түрлі қаржылық ұйымдарға қарыз. Қазақстан халқының кредит өтеуге шамасы болмауының басты бір себебі – пайыздық үлестің артуы мен жылдық табыс мөлшерінің аздығы.

Несие алғандардың арасында жылдар бойы қарызын қайтара алмай жүрген тұрғындар көп. Тіпті, соңғы уақытта олардың қатары тіптен арта түскен. 2017 жылдың өзінде проблемалы кредиттері ең көп банк – Ресейлік Сбербанктің Қазақстандағы еншілесі (13,7%) және АТФ Банк (11%) болған. Ал Цесна банкте болса қарыз портфелінің сапасы басқаларға қарағанда (4,8%) жоғары. Ал орта және шағын банктердің проблемалы кредиттері ірі банктерге қарағанда әлдеқайда аз.

"The Qazaq Times"