![](https://qazaqtimes.com/kk/content/uploads/2019/01/bd6f21d866f076f1826a07c556006772-800x480.jpg?token=482d4ad363714dcab8f5092f2b8bf63e)
Никол Пашинян Арменияның Еуразиялық экономикалық одақтан шығуына қарсы.
Ресей астанасы Мәскеу қаласындағы Еуразиялық экономикалық комиссия штаб пәтерінде өткен баспасөз мәслихатында Армения премьер-министрі Никол Пашинян журанлистер сұрағына жауап берді.
Онда ол БАҚ өкілдерінің: «Сіз бұған дейін Еуразиялық экономикалық одаққа кіру қателік деп есептедіңіз. Бұл алдағы уақытта аталмыш шешімге қарама-қарсы қадамдар жасалады деген сөз емес пе?» - деген сұрағына: «АҚШ президенті Барак Обама өз заманында Буштың Иракқа әскер кіргізуі қателік деп есептеді және осы қателікті түзеу үшін әскерін кері шығарды. Дәл осы қарама-қарсы қадамның салдарынан «Ислам мемлекеті» пайда болды. Бүгінгі Армения Еуразиялық экономикалық одақ мүшесі. Менің ойымша, халықаралық саясатта дәл қазір басқа бағытқа бұрылу жақсылыққа апармайды» - деп мәлімдеді.