Өзбекстанда президент Шавкат Мирзиеевтың ұсынысы бойынша экологиялық партия құрылмақ.

Қараша айының 14-і күні экологиялық партия құруға байланысты бастамашы топ жиын өткізді. Жиында белсенділер алдағы уақытта партия құрудың жоспары мен тіркелу құжаттарын дайындайтын арнайы комитет құрып, құрылтайшылар тізімін бекіту керектігін талқылады. Басқосуға Республикадағы беделді экологиялық ұйымдар мен қоғамдық бірлестік мүшелері қатысты. Белсенділер жаңа саяси күшке «Өзбекстан экологиялық партиясы» деген ат берді.

2017 жылдың желтоқсан айында Шавкат Мирзиеев парламентте сөйлеген сөзінде: «Жыл сайын экологиялық ұйымдарға қаржылай квота бөлгеннің орнына аталмыш ұйымдардың саяси белсенділігін арттыру үшін жаңа экологиялық партия құру қажет» деп мәлімдеген.

"The Qazaq Times"