Террорлық шабулы жасалған мектеп. Фото: ABC News - Go.com.

Камерунде террорлық топ мектепке басып кіріп, 11-17 жас аралығындағы 79 баланы және мектеп директорын қамтыған 3 қызметкерін барымталады. Жергілікті ресми мәліметтерде айтылуынша террорлық шабуылды жергілікті сепаратистік күштер жасауы мүмкін. Бұл туралы «Анадолы» ақпараттық агенттігі хабарлады.

Қарулы топ Камеруннің ағылшын тілі көбірек қолданылатын солтүстік-батыс аймағындағы христиан мектебіне шабуыл жасаған.

Шабуылдан кейін көп өтпей, өздерін «Амба балалары» деп атаған қарулы топ әлеуметтік желіде видео жариялап, барымталанған балаларды көрсетеді. Онда балалар өз есімдері мен ата-анасының атын айтады.

Алайда, қарулы топ балаларды барымталау арқылы қандай да бір талап қоймаған және өз мақсаттары туралы түсінік те бермеген.

“The Qazaq Times”