ҚР премьер-министрі Бақытжан Сағынтаев.

Бақытжан Сағынтаев Мәжіліс отырысында азық-түлік бағасының қымбаттауына байланысты мәлімдеме жасады.

«Қант бағасының қымбаттағанын өздеріңіз көріп отырсыздар. Біз 500 мың тонна қант пайдаланамыз. Оның 50-60 тоннасын ғана өзіміз өндіреміз. Ресей Федерациясымен келісімге келгенбіз. Бірақ биыл Ресейде қызылша өнімі бітік шықпады. Сол себепті оларда да дәл осындай жағдай орын алуда. Бір сөзбен айтқанда біз осы инфляцияны, қымбатшылықты Ресейден импорттап жатырмыз» - деді Сағынтаев.

Қазан айының басында Ауылшаруашылығы министрлігі жергілікті билік өкілдеріне қант қорын ұлғайтуды сұраған. Министрлік мәліметінше, әлеуметтік маңызға ие тауарлар арасында бірінші кезекте қант, күріш, қырыққабат және күнбағыс майы қымбаттаған.

"The Qazaq Times"