АҚШ президенті Дональд Трамп. Фото: new.livestream.com

АҚШ президенті Пенсильвания штатына қарасты Питтсбург қаласындағы синагогада болған атысқа қатысты пікір білдірді.

Дональд Трамп ресми Twitter парақшасында: «Бүгінде мұндай жантүршігерлік әрі айуан әрекеттер жиілеп барады. Питтсбургтегі синагогада болған жағдай – антисемиттік шабуыл. Яғни күллі адамзатқа жасалған қастандық. Біз ешқашан осындай зұлымдыққа жол бермеуіміз керек және антесимитизмге қарсы зұлымдықты жою үшін бірлесіп әрекет етуге міндеттіміз», – деді. Сонымен қатар, Ақ үй басшысы Пенсильвания штатында орын алған оқыс оқиғаны «адамзатқа жасалған қастандық әрекет» деп айыптап, енді атыс-шабыс сынды әрекеттердің алдын-алу үшін өлім жазасы туралы заңды күшейту керектігін ескертті.

Еске сала кетейік, қаруланған бір адам еврейлер ғибадатханасына күтпеген жерден шабуыл жасаған болатын. Оқиға салдарынан 11 адам қаза тапуып, 6 адам түрлі деңгейде жарақаттанған. Қазіргі уақытта қылмысқа барған 46 жастағы Роберт Боуэрс ұсталып, тергеу жұмыстары жүргізіліп жатыр.

"The Qazaq Times"