Фото: Vesty

АҚШ президенті Дональд Трап Сүрия басшысы Башар Асадтың өлімін ешуақытта жоспарлаған емес – деп мәлімдеді АҚШ-тың Біріккен Ұлттар Ұйымындағы тұрақты өкілі Никки Хейли.

Қыркүйек айының 4-і күні Нью-Йорк қаласында өткен баспасөз мәслихатында Никки Хейли Сүрия дағдарысына қатысты мәлімдеме жасады. Никки Хейлидің сөзінше, АҚШ президенті Дональд Трамп еш уақытта Сүрия басшысы Башар Асадтың өлімін жоспарламаған және лауазымды тұлғалармен талқыламаған.

Естеріңізге салайық, The Washington Post басылымының журналисті Боб Вудвард өз кітабында «2017 жылдың сәуір айында Сүрияда болған химиялық шабуылдан кейін Пентагон басшысы Джеймс Мэтиске Башар Асадтың көзін жоюға байланысты жоспар құруды тапсырды» - деп жазған. Вудвардтың сөзінше, бастапқыда Метис Трамптың тапсырмасын орындауға келіскен. Бірақ кейіннен ол ойынан айныған.

"The Qazaq Times"