Суретте: солдан оңға қарай Азамат Тәжаяқов, Диас Қадырбаев (ортада), Джохар Царнаев

Америка ақпарат құралдарының хабарлауынша, Бостондағы жарылысқа байланысты алты жылға сотталған Қазақстан азаматы Диас Қадырбаев мерзімінен бұрын босатылды. Істі өз қарамағына алған Қазақстан Сыртқы істер министрлігі Қадырбаевтың елге депортацияланатынын айтты.

Естеріңізге сала кетейік, 2013 жылы 15 сәуірде Бостон марафонында болған жойқын жарылыс салдарынан үш адам қаза тауып, 260-тан астам адам жараланған болатын. Зерттеу нәтижесі бойынша жарылыстарды жасады деп айыпталған Джохар Царнаев өлім жазасына кесіліп, екі қазақстандық студент қамауға алынған. Олардың бірі Азамат Тәжаяқов 3 жыл, алты айға сотталған.

Тәжаяқов 2016 жылы түрмеде жазасын өтеп, Қазақстанға келді. Енді екінші қазақстандық Диас Қадырбаев депортацияланады.

"The Qazaq Times"