Фото: tass.ru

БҰҰ-ның халықаралық соты Иранның АҚШ-тың біржақты санкцияларын тоқтату туралы талабына сәйкес, тыңдалым бастады. Сот төрағасы Абдулкави Ахмет Юсуфтың хабарлауынша, тыңдалым 30 тамызға дейін жалғаспақ. Тараптардың әрқайсысына өз ұстанымдарын баяндау үшін төрт жарым сағаттан беріледі. Бұл туралы "worldbulletin.net" хабарлайды.

Иран бұл талапты шілде айында түсірген еді.  Ол БҰҰ-ның Халықаралық соты арқылы АҚШ-тың 1955 жылғы «Экономикалық қарым-қатынастар, консульдық құқықтар және достық туралы»  екіжақты келісімшарт аясында өзінің міндеттерін бұзып отыр деп танылғанын, сонымен қатар, Уашингтон тарапынан енгізілген санкциялардың тез арада жоққа шығарылуын талап еткен. Теһран уақытша шара ретінде америкалық біржақты санкциялардың, әсіресе жолаушылар ұшақтарының сатылымына қатысты санкциялардың тоқтатылуын талап еткен. Бәрімізге білгілі, осы жылдың мамыр айында АҚШ президенті Дональд Трамп Уашингтонның «Ортақ қадам жан-жақты келісімшартынан» шығатынын, сонымен қатар Иранға жаңа санкциялар енгізетінін мәлімдеген еді.

“The Qazaq Times”