Фото: avim.org.tr

Ауғанстанда бір күннің ішінде екі бірдей теракт орын алып, салдарынан кем дегенде 26 адам қаза тапқан. Ал, 50-ден астам адам жарақаттанған. Бұл туралы жергілікті «АР» агенттігі хабарлайды.

Ауғанстанның шығысындағы Жалалабад қаласындағы әкімшілік ғимаратқа жасалған қарулы шабуылдың салдарынан 15 адам мерт болған. Ал, дәл осы күні бұрын елдің батыс төңірегіндегі Фарах қаласында Хераттан Кабулға бағыт алған жолаушылар автобусы жарылған. Осы апаттың салдарынан 11 адам көз жұмып, 31 бейбіт тұрғын жарақат алған. Агенттіктің хабарлауынша, қаза тапқандардың  көпшілігі әйелдер мен балалар. Бірақ, әзірге ешқандай террорлық топ бұл істі мойындарына алмай отыр.

 “The Qazaq Times”