Хусит күштеріне қарсы соғысқан Йемен үкіметтік күштері. Фото: Анадолы.

Йемен жерінде үкімет армиясы мен Хусит күштері арасында қарулы қақтығыс қайталанды. Армия тарабынан жасалған мәлімдемеде, әл-Меладжим ауданындағы әл-Бейият тауындағы қақтығыста хуситтердің 36 мүшесі қаза тауып, екі тараптан 50-ден астам адам жарақат алған. Бұл туралы «Анадолы» ақпараттық агенттігі хабарлаған.

Қарулы күштердің мәліметінде, үкіметі армиясы мен хуситтердің кезекті соғысында Сауд Арабия бастаған коалиция қатыспаған. Үкімет армиясы дербес хуситтердің әл-Меладжимдағы тұрақтарын талқандаған.

Сауд Арабиясы басқарған коалиция күштері мен Йемен қарулы күштерінен құралған арнайы топтар Мири, Хайран қатарлы аудандарда үш ай ішінде 5151 дана минаны тазалаған. Қазір үкімет күштері Бейдаға қарай ілгерілей түсіп, аймақта Хуситтердің ықпал көлемі барған сайын тарылуда.

“The Qazaq Times”