Әзірбайжанда қарсылық акциясы кезінде екі полиция қызметкері көз жұмды.

Әзірбайжан ішкі істер министрлігі баспасөз қызметінің хабарлауынша, шілде айының 10-ы күні Гянджа қаласының орталығына 200 адам жиналып, полициямен қақтығысқан. Салдарынан рұқсатсыз қарсылық акциясын таратуға келген екі полиция қызметкері оқиға орнында көз жұмған.

Әзірбайжан Бас прокуратурасының мәліметінше, қарсылық акциясына қатысқан 200 адамның барлығы «радикалды діни топ» өкілдері. Олар заңсыз қарсылық акциясына шығу арқылы «3 шілде күні Гяндж қаласының әкімі Эльмар Валиевқа қастандық жасады» деген күдікпен ұсталған азаматты босатуды талап еткен.

“The Qazaq Times”