Қытай хакерлері АҚШ әскери теңіз күштерінің құпия құжаттарын қолды етті – деп хабарлайды «The Washington Post» басылымы.

«The Washington Post» мәліметінше, Қытай билігіне тиесілі хакерлер тобы 2018 жылдың қаңтар және ақпан айларында АҚШ әскери теңіз күштерінің сүңгуір кемелерінің ұрыс тәсілдерін зерттейтін «Naval Undersea Warfare Center» орталығына шабуыл жасап, көлемі 614 гигабайттық құпия құжаттарды қолды еткен. Атап айтқанда хакерлер 2020 жылы АҚШ әскер теңіз күштерінің арсеналына енуі тиіс кемелерге қарсы қолданылатын дыбыстан жылдам зымырандардың құпия құжаттарын ұрлаған.

Бірақ Қытай тарапы аталмыш мәселеге байланысты жолданған журналистер сауалына: «Біз бұл мәселе жөнінде ешнәрсе білмейміз» - деп жауап берген.

“The Qazaq Times”