Фото: www.unn.com.ua

Солтүстік Корея басшысы Ким Жоң Ун Ресей президенті Владимир Путин кездесетін болды.

Солтүстік Корея ресми БАҚ өкілдерінің мәліметінше, Ким Жоң Ун Ресей сыртқы істер министрі Сергей Лавровпен кездесуінде алдағы уақытта кеңейтілген форматта кездесу ұйымдастыруды ұсынған. Ол өз сөзінде: «Биыл Солтүстік Корея мен Ресей арасындағы дипломатиялық қарым-қатынастың орнағанына 70 жыл. Осыған орай 2018 жылы жоғары лауазымды тұлғалар мен екі ел басшыларының қатысуымен кездесу өткізуге келістік» - деп мәлімдеген.

Естеріңізге салайық, маусым айының 12-і күні Сингапурда КХДР басшысы Ким Жоң Ун мен АҚШ президенті Дональд Трамп кездеседі деп жоспарлануда. Бұған дейін Солтүстік Кореяға ресми іссапармен АҚШ мемлекеттік хатшысы Майк Помпео барып қайтқан.

“The Qazaq Times”