Ресейдің әскери қару-жарақ экспорттаушы фирмасы «Рособоронэкспорт» (Rosoboroneksport)Түркияға сатылатын S-400 зымыран қорғаныс жүйесінің өндірісі басталғанын мәлімдеді. Бұл туралы Түркияның «Анадолы» ақпараттық агенттігі хабарлады.

Аталған мәлімдемені «Рособоренэкспорттың» жетекшісі Александр Михеев «Спутник» агенттігіне берген сұхбатында мәлімдеді. Ол сөзінде: «Жоба басталып кетті. Алда бірнеше басқышқа бөлінген жұмыс тәртібін орындаймыз. Өзіміздің жауапкершілігімізді толығымен орындап шығамыз», – деген.

Осыдан бұрын Ресейдің әскери өнеркәсіп компаниясының төрағасы Сергей Чемезов  Түркия ресейлік S-400 зымыран қорғаныс жүйесінен 4 данасын 2,5 млрд АҚШ долларына сатып алатынын мәлімдеген еді. Естеріңізде болса, Түркияның ресейлік қорғаныс жүйесін сатып алуы НАТО мүшелері арасында наразылық тудырған болатын.

“The Qazaq Times”