Фото: EADaily

Түркіменстанда отызға толмаған ер-азаматттарға шетелге саяхатқа шығуға тыйым салынды. Енді жастары отызға жетпеген жігіттер ел шекарасынан аттап шыға алмайды. Бұл туралы Азаттықтың Түркіменстан қызметі ТР Көші-қон қызметіне сілтеме жасап хабарлады.
Хабарға сәйкес, шенеуніктер бұл шараның Түркіменстан азаматтарының қауіпсіздігі үшін қолға алынғанын айтқан. Соңғы айда азаматтардың шетелге шығуларына, оның ішінде бірінші кезекте Түркияға шығуларына кедергілер көбейген. Сонымен қатар, билік арқылы шетелде жүрген азаматтардың Түркіменстанға қайтарылуларына қатысты оқиғалар да көп тіркелген. Оның ішінде шетелдік оқу орындарында оқитын әрі сол елдерде жұмыс істеп жүрген студенттерді елге қайтаруға қатысты көптеген шара қолданған.

“The Qazaq Times”