Телеграм Ресейден қуылды. Фото: kazakbol.

Ресейдің хабар, байланыс технологияларын бақылаушы Роскомнадзор жетекшісі Александр Жаров мәлімдемесінде, бақылаушы орынның Apple және Google компаниясынан Telegram желісін өшіруді талап еткен еді. Ал, өткен аптаның соңында Мәскеудегі сот Ресей Федерациясының территориясында Telegram желісін тоқтатуға шешім шығарды.

Аталған үкімді Мәскеудегі Таган аудандық соты шығарған. Telegram желісі үстінен сотқа жіберілген арызға, аталған әлеуметтік желінің Ресей Федералдық Қауіпсіздік Қызметіне цифрлы алгоритмнің кілтін бермегені себеп болған. Арыз беруші тарап аталмыш Роскомнадзор.

BBC хабарына сенсек, бұл шешім Мәскеу қалалық сотында да күшіне ие болып қалмақ. Аталған әлеуметтік желінің негізін салушы Павел Дуров сөзінде: «Қолданушылардың құпиясы сатылмайды. Адам құқығы қорқыныш пен ашкөздіктің алдында тапталмауы керек», – деген.

“The Qazaq Times”