Өзбекстан қарулы күштерді дамыту саласында АҚШ-пен әскери-техникалық ынтымақтастықты жалғастырады - деп хабарлайды ca-news ақпарат көзі.

Сәуір айының 9-ы күні жарияланған Шавкат Мирзиеевтың жарлығы бойынша, Өзбекстан Республикасының сыртқы саясаттағы басты бағыттарының бірі АҚШ-пен екі жақтық қарым-қатынас орнату және алдағы уақытта әскери-техникалық бағытты дамыту. Атап айтқанда әскери білім алу және маман дайындауда АҚШ әскерилерімен бірлесіп жұмыс істеу.

Бұдан бөлек құжатқа сәйкес Өзбекстан алдағы уақытта АҚШ-пен қатар Еуроодақпен де бірлесіп жұмыс істемек. Осы мақсатта Өзбекстан-Еуроодақ кеңесі құрылмақ. Аталмыш кеңестің басты мақсаты шетелдік инвестицияларды елге тартуға көмектесу.

“The Qazaq Times”