Төтенше жағдай министрлігінің Бішкек қалалық басқармасының 50-ден астам қызметкері еңбекақыны көтеруді талап етті, деп хабарлайды Орталық Азия жаңалықтар қызметі.

ҚР ТЖМ мемлекеттік өртке қарсы қызмет басқармасының өкілі қызметкерлердің зиянды жұмыс үшін төленетін үстемақының алынып тасталғанына наразы екенін айтады.

Бұл ақпаратты ТЖМ баспасөз хатшысы Эльмира Шерипова растады. Оның сөзінше, қызметкерлер митингке шықпаған. Бірақ бәрі басшылыққа барып, талап еткен. Оларды министр Кубатбек Боронов қабылдап, мәселені талқылаған. Басшылықтың айтуынша, үстемақы еңбек заңына қайшы келеді екен. Бірақ талаптарын қарауға уәде берген.

ТЖМ мәліметі бойынша, министрлік қызметкерлері әртүрлі үстемақыларды қосқанда, 8 мың сом көлемінде айлық алады.

“The Qazaq Times”