Фото: ca-news.

Өзбек-қырғыз шекарасында 1,5 мың адам шекарадан өте алмай кезекте тұр – деп хабарлайды ca-news ақпарат агенттігі.

Агенттік мәліметінше, Ош қаласындағы «Достық» кеден бекетінің қызметкерлері шекарадан тек жүкті әйелдер мен балаларды ғана кезектен тыс өткізуде. Қалған 1,5 адам Өзбекстан аумағына өту үшін кезекте тұр.

Ош қаласының журналисі Хулкар Исамованың сөзінше, «Достық» кеден бекетінен күніне 7 мыңнан астам адам өтеді. Бірақ бекетте тек 5 тексеру құрылғысы ғана жұмыс істеп тұр. Ал күніне 7 мың адамға қызмет көрсетуге үлгермейді. Салдарынан 1,5 адам шекарадан өту үшін 5-6 сағаттап кезекте тұруға мәжбүр.

“The Qazaq Times”