Фото: oxu.az.

Ирак Ресейден С-400 зымыран кешенін сатып алмақ – деп хабарлайды Oxu.az ақпарат агенттігі.

Агенттік мәліметінше, қазіргі таңда Ирак билігі Ресеймен С-400 зымыран кешенін сатып алуға байланысты келіссөздер жүргізуде. Бірақ С-400-ді Ирактың жақын аралықта сатып алатындығы жөнінде ешқандай ресми ақпарат таратылмаған. Ирак Сыртқы істер министрі Ибрагим әл-Жафаридің сөзінше, дәл қазіргі жағдайда өз қауіпсіздігін қамтамасыз ету үшін Иракқа қару-жарақ ауадай қажет.

Шетелдік сарапшылардың ойынша, ресми Бағдадтың бұл шешіміне АҚШ қарсы шығуы мүмкін. Себебі бұған дейін Түркия Ресейден С-400 зымыран кешенін сатып алатынын мәлімдегенде АҚШ пен Еуроодақ елдері ресми Анкараға қарсы шаққан.

“The Qazaq Times”