Бас прокуратура ақпан айының 15-і мен 16-сы күндер Алматы, Жамбыл және Оңтүстік Қазақстан облыстарында жүргізілген арнайы операция жөнінде мәлімдеме жасады.

Бас прокуратураның арнайы өкілі Оксана Лоскутованың сөзінше, Алматы, Жамбыл және Оңтүстік Қазақстан облыстарында жүргізілген арнайы операция барысында 35 адам ұсталып, 33 адам сот шешімі бойынша қамауға алынған. Ақпан айының 15-і мен 16-сы күндері аралығында жүргізілген арнайы операция нәтижесінде қазақ-қытай шекарасындағы «Қорғас», «Алтынкөл», «Қалжат», қазақ-қырғыз шекарасындағы «Қордай», «Қарасу» және қазақ-өзбек шекарасындағы «Сарыағаш», «Қазығұрт», «Атамекен», «Қапламбек» кеден бекеттері тексеріліп, контрабандалық тауарларды өткізу жоспары анықталған.

“The Qazaq Times”