АҚШ президенті Дональд Трамп Түркия басшысы Режеп Тайып Ердоғанмен телефон арқылы сөйлесті – деп хабарлайды Ақ үй баспасөз қызметі.

Сөйлесу барысында екі ел басшылары Түрік армиясының Сүрияның Африн аумағындағы әскери операциясы жөнінде әңгімелескен. Дональд Трамп Режеп Тайып Ердоғанды Африн аумағындағы зорлық-зомбылықты тоқтатуға шақырған.

Естеріңізге салайық, бұған дейін Түркия басшысы Режеп Тайып Ердоған Ресей президенті Владимир Путинмен телефон арқылы сөйлескен болатын. Онда да екі ел басшылары Түркия армиясының Сүриядағы әскери операциясы жөнінде сөйлескен.

“The Qazaq Times”