Катар қорғаныс министрі және НАТО Бас хатшысы. Фото: NATO.

Катар мен НАТО арасында қауіпсіздік туралы келісім жасалды. Катардың Қорғаныс министрлігінің келісімдер жөніндегі басқармасы бұл туралы жазбаша мәліметті жария етті. Бұл туралы «Түрік Теле-Радио» қызметінің сайты хабарлады.

Бельгияның орталық қаласы Брюссельде НАТО Бас хатшысының орынбасары мен Роуз Готемоэллер мен Катардың қорғаныс өкілі Тарик Жалид Абдели келісімге қол қойған. Аталған келісімде қауіпсіздік, қорғаныс саласындағы ынтымақтастық қамтылған. Сонымен бірге, тараптар қорғаныс пен қауіпсіздікке қатысты мәліметтерді ортақтасуға келісті.

Сауд Арабиясы бастаған араб елдерінің Катармен дипломатиялық қатынастарын үзіп, «Катар дағдарысы» деп аталатын дипломатиялық дағдарысты жасағаннан кейін Катар әмірлігі Түркия, Иран және НАТО-ға мүше елдермен қорғаныс, сауда-саттық, азық-түлік қауіпсіздік салаларында ынтымақтастықты арттыра түсті.

“The Qazaq Times”