Путин мен Ердоған Анкарада кездеспек. Фото: VOA News.

Ресей президентінің Сүриядағы сапары аяқталғаннан кейін көп өтпей, Түркияның орталық қаласы Анкараға сапарлай барады. Түркия президенті мен Путин бірқатар маңызды мәселелерде пікір алмасады деп күтілуде. Бұл туралы «Шинхуаның» ресми сайты хабарлады.

Путин пен Ердоған арасындағы талқыда Иерусалимның АҚШ жағынан Израиль астанасы деп мойындалуы және одан кейінгі қалыптасқан саяси жағдайлар басты тақырып болмақ. Кездесуде тағы екі ел арасындағы энергетика саласындағы ынтымақтастық та сөз болады. Алдағы уақытта Сүрия жеріндегі Түркия мен Ресей саясатының жай күйі ортаға салынбақ.

Түркия мен Ресей арасының жақындай түсуі Батыс елдерін алаңдатады. Бұл кездесу Иерусалим мәселесінде Путин мен Ероғанның ортақ пікірді ұстанатынын, сол арқылы АҚШ пен Израиль қадамына жауап қайтаратынын аңғаруға болады.

“The Qazaq Times”