Фото: buqara.kz

Электронды келісімшарт енгізілсе қазақстандықтарда еңбек кітапшасы болмайды. Бұл туралы ҚР Еңбек және халықты әлеуметтік қорғау министрі Тамара Дүйсенова мәлімдеді.

"Бірыңғай электронды еңбек биржасы базасында қызметкердің профилін енгізу және еңбек шарттарын тіркеу жүйесі құрылады. Электронды форматқа көшірілген еңбек келісімшарттары еңбек кітапшаларын алып тастауға, азаматтардың ресми түрде жұмыспен қамтылғаны туралы ақпарат алуға мүмкіндік береді", - деді министр.

Дүйсенованың сөзінше, жоба елдегі облыстардың бірінде пилотты режимде іске қосылатын болады. Сондай-ақ, ол мүгедектік жөнінде өтініш беру үшін де онлайн жүйені енгізу жоспарда бар екенін мәлімдеді.

"Мүгедектік туралы өтініштер eGov арқылы электронды нұсқада түсетін болады. Жүйе өтініштерді қарауда өтініш берушінің қатысуын талап етпейді", - деді Дүйсенова.

“The Qazaq Times”