Фото: Sputnik Кыргызстан

Қырғызстан басшысы Алмазбек Атамбаев өзінің президенттік өкілеттігі аяқталуына байланысты баспасөз мәслихатын өткізбек.

Бүгін Қырғызстан президент әкімшілігі таратқан мәлімет бойынша, Алмазбек Атамбаев қараша айының 15-і күні өзінің президенттік өкілеттігі аяқталуына байланысты қорытынды баспасөз мәслихатын өткізетін болады. Онда ол 2011 жылдан бері істеген жұмыстары жайында Қырғызстан халқы алдында есеп береді деп күтілуде.

Естеріңізге салайық, бұған дейін Қырғызстан перзидент әкімшілігі "қараша айының 24-і күні қырғыз елінің жаңа президенті Сооронбай Жээнбековтың инаугурациясы өтеді" деген ақпарат таратқан. Ал Алмазбек Атамбаевтың өкілеттік мерзімі 2017 жылдың 1 желтоқсанында аяқталатын болады.

“The Qazaq Times”