Фото: Oxu.az

Түркия қарулы күштері Стамбұл қаласында лаңкестікке қарсы арнайы операция өткізді.

Report ақпарат агенттігінің мәліметінше, арнайы операция бір уақытта Стамбұл қаласының тоғыз ауданында жүргізілген. Операция барысында «Күрдістан жұмысшылар партиясы» лаңкестік ұйымының 20 мүшесі қолға түсіп, олардан бір тапанша, он сигналды зымыран және терроризмге үгіттейтін кітаптар мен жазба материалдар тәркіленген. Кейінен қолға түскендер арасынан 4 адам босатылған.

Ресми Анкара Ирак Күрдістанында өткен референдумнан кейін ел аумағында қауіпсіздік шараларын күшейткен. Ал Түркия президенті Режеп Тайып Ердоған Ирак Күрдістаны автономиясының басшысы Масуд Барзаниді аймақта ешкімнің келісімінсіз референдум өткізгені үшін қатаң сынға алған болатын.

“The Qazaq Times”