Фото: www.open.kg

Қытай Қырғызстанмен екі ортадағы шекараны уақытша жабатын болды – деп хабарлайды Қырғызстан шекара қызметінің баспасөз орталығы.

Қытай билігі құрбан айт кезінде Қырғызстанмен арадағы шекараны уақытша жабу жөнінде шешім шығарған. 1084 шақырымға созылатын қырғыз-қытай шекарасында «Еркештам автожол» және «Торугарт автожол» деген екі ғана шекара бекеті бар.

Екі ел арасындағы шекара Қытай билігінің бастамасымен қыркүйек айының 1-5 күндері аралығында жабылатын болады. Қырғыз шекара қызметі баспасөз орталығы қызметкерлерінің айтуынша, ресми Бейжіңнің бұл шешімі таң қаларлық дүние емес. Өйткені олар жыл сайын кез келген діни мереке кезінде екі ел арасындағы шекараны уақытша жауып тастайтын көрінеді.

“The Qazaq Times”