Түркіменстан журналистеріне тұңғыш рет президентке сұрақ қоюға рұқсат берілді - деп жазады ТДХ ақпарат агенттігі.

Құрбанғұлы Бердімұхамедов Түркіменстан министрлер кабинетімен өткізген кеңейтілген отырсыта ел тарихында тұңғыш рет журналистерге сұрақ қоюға рұқсат берілген.

ТДХ агенттігінің мәліметінше, журналистер Бердімұхамедовқа екі сұрақ қойған. Бірінші журналист «Түркіменстан үкіметінің өзге елдермен арадағы қарым-қатынасы» жайында, екіншісі «Түркімен қауыны мерекесінің неге 17 тамыздан,13 тамыз күніне ауысқандығы» жайында сұраған. Құрбанғұлы Бердімұхамедов журналистердің қойған мемлекеттік маңызы бар сұрақтарына мүдірместен жауап берген.

“The Qazaq Times”