Фото: edition.cnn.com

Ресей Федерациясының сыртқы істер министрлігінің ресми өкілі Мария Захарова CNN телеарнасы таратқын «Ресей Талибан қозғалысын қаруландырып отыр» деген ақпаратты жоққа шығарды.

Мария Захарова «Говорит Москва» радиосына берген сұхбатында: «АҚШ бұқаралық ақпарат құралдары бұған дейін бірнеше мәрте Ресейді «Талибан қозғалысын қару-жарақпен қамтамасыз етіп отыр» деп айыптады. Бұл жалған ақпарат. Ал CNN арнасы Ресейге қарсы үгіт-насихат жүргізудің таптырмас құралы» - деді.

Естеріңізге салайық, CNN арнасы эфирінен ресейлік Калашников, снайперлік винтовкалармен қаруланған Талибан қозғалысының содырлары бейнеленген бейнеролик пен фото көрсеткен болатын. Ал НАТО, АҚШ және Еуроодақ елдерінің біріккен әскери күштерінің басшысы Кертис Скапаротти Ресейді Талибан қозғалысын қолдап отыр деп айыптаған еді.

“The Qazaq Times”