Фото: РИА Новости.

Қырғызстан Ұлттық қауіпсіздік комитеті ел аумағында террорлық акт жасамақ болған азаматты ұстады, деп хабарлайды ведомства баспасөз қызметі.

Қырғызстан Ұлттық қауіпсіздік комитеті Ош облысына қарасты Қарасу ауданында 1980 жылы туған халықаралық лаңкестік ұйымның мүшесі М.Б есімді азаматты ұстаған. Тінту барысында күдіктінің үйінен салмағы 8 килограмды құрайтын қолдан жасалған жарылғыш зат табылған.

Ұлттық қауіпсіздік комитетінің мәліметінше, М.Б есімді азамат бұған дейін Сүрия мен Ирак аумағындағы қарулы қақтығыстарға қатысып, әскери-диверсиялық дайындықтан өткен.

Қазіргі таңда бұл іс бойынша Қырғызстанның құқық қорғау органдары қылмыстық іс қозғаған.

“The Qazaq Times”