Шілденің 7 күні Түркияның Стамбул қаласында түркі телдес елдердің құрылтайы болып өтті деп хабарлайды Орталық Азия сайты.

Құрылтайға Қазақстан, Өзбекстан, Түркия, Қырғызстан, Әзербайжан, Түркіменстан елдерінің өкілдері қатысты.

Құрылдайға қатысушылар «Түркі тілдес мемлекеттер өз тәуелсіздіктерін алпауыттар арасында қалай сақтап қала алады?» - деген сұраққа жауап іздеді.

Құрылтайшылар түркі тілдес елдердің ішінде әлем алпауыттарына жұтылып кетудің аз-ақ алдында отырған қазақ, қырғыз, әзербайжан, өзбек, түркімен ұлттарының болашағына алаңдайтындықтарын айтты.

Құрылтайға Қырғызстан атынан келген тарихшы Дастан Раззақұлының айтуынша, «Қырғызстан халқы Ресей немесе АҚШ-тың құлы болғанша Қазақстан мен Түркияға пайдасы тиетін бауырлас ел болғанды қалайды».

Құрылтай соңында қатысушалыр әлемдік державалар алдында өз мүдделерін қорғау мақсатында түркі тілдес елдердің экономикалық, әскери, саяси күштерін біріктіретін Түркі одағын құру керектігі жөніндегі құжатты қабылдады.

“The Qazaq Times”