Фото: Bizber.ru

Қазақстандағы Мәжіліс депутаттары сәрсенбіде пленарлық мәжіліс барысында жарнама мәселелері жөніндегі заңнамаға енгізілген түзетулері алғашқы оқылымнан-ақ мақұлданған болатын.

Заң жобасы, бұл ретте, жарнама саласындағы заңнама бұзылған кездегі әкімшілік жауапкершілікті белгілеп отыр.

Сүлейменов «Жарнама туралы» Заңда бүгіннің өзінде жарнама саласында бірқатар тыйымдар мен шектеулер бар екендігін атап көрсетті. Дегенмен, олар тәжірибе жүзінде қолданылып жүрген жоқ және ол бойынша әкімшілік жауапкершілік жоқ болғандықтан әрі өкілетті органдардың әкімшілік жауапкершілікке тарту жөніндегі тәжірибесінің жоқтығына орай, субъектілер тарапынан еленбеуде. Осыған байланысты жарнама саласындағы әкімшілік жауапкершілік түрлерін диспозициялау айқындалып отыр.

«Экономиканы долларсыздандыру бойынша жүргізіліп отырған саясатты ескере отырып, Қазақстан Республикасының аумағында тауар сату кезінде оның бағасын ұлттық валютада көрсетпегені үшін әкімшілік жауапкершілік енгізілді», - деді Сүлейменов.

Оның айтуынша, жосықсыз, күмәнді, бейәдеп және жасырын жарнама бергені үшін, сондай-ақ, ұлттық аза тұту күндері  теле-радиарналарда жарнама бергені үшін жауапкершілік белгіленіп отыр.

«Алкоголь мен темекіні жасырын жарнамалауға жол бермеу үшін, түрлі іс-шараларды өткізу түріндегі, оның ішінде алкогольдік өнімдерге, темекі және темекі бұйымдарына сұраныс пен қызығушылықты арттыруға бағытталған жүлделер, лоторея ойындарын жарнамалағаны үшін жауапкершілік енгізілді», - деді министр.

Ол кәсіпкерлердің қаржылық жүктемелерін ұлғайтуға жол бермеу мақсатында ӘҚК арқылы белгіленген жазалаулардың көлемі қайта қарастырылмағандығын атап өтті.

Сонымен қатар, заң жобасы арқылы телеарналар мен радиоарналарда әлеуметтік жарнамаларды тарату тетігі белгіленді.

Контентті және әлеуметтік жарнаманы тарату тәртібін нақты реттеу қажеттігі пісіп-жетілгендігі белгілі. Сондықтан да, міндетті 15 телеарналар мен радиоарналарда қайтарымсыз негізде орналастырылатын әлеуметтік жарнамалардың күн сайынғы көлемін белгілеу ұсынылып отыр.

“The Qazaq Times”