Фото: НАСА

HiRISE спутнигі Қызыл ғаламшардың оңтүстік жарты шарында алып шұңқырды анықтады. БАҚ өкілдерінің хабарлауынша, ғалымдар осы жылдың 25 наурызында түсірілген суретті толық зерттеу барысында  осы уақытқа дейін белгісіз болған шұңқыр табылған. 

Болжам бойынша, бұл шұңқыр ғаламшарға түскен алып метеориттің орны болуы мүмкін.

Сонымен қатар, Қызыл ғаламшарда осы секілді тағы зерттелмеген кратерлер бар.

Қазақстандық астрофизик Гавриил Тихов Марс планетасына жан-жақты зерттеулер жүргізді. Ол Марс бетінде қарапайым тіршілік көздері болуы мүмкін деген болжам айтты. Марста жанды заттар тұрады деген болжамдар температуралық және спектроскопиялық нәтижелермен дәлелденген жоқ. Марс атмосферасында оттектің белгісі болмағандықтан, тіршіліктің жоғарғы формасының болуы туралы болжам шындыққа сай келмейді. Алайда тіршіліктің төменгі формасының, әсіресе анаэробтық форманың тіршілік етуі мүмкін.

“The Qazaq Times”