Бүгін ескі жыл санауымыз бойынша күн мен түннің теңеліп, "ӘЗ" жүріп, барша тіршілік жанданатын айрықша күн. Наурыздың келіп шығуы туралы сан түрлі болжам айтылады. Тіпті оның тарихи бастауы еске жоқ ескі заманнан келе жатқаны да талассыз. Қалайда бұл атаулы күн уақыт ғана емес табиғаттың да ұлы заңдылығына бағынған әрі соған үндестіктен туғаны шын.

Сайтымыз атынан барша қазақ жұртын Наурыз күнімен құттықтаймыз! Еліміз аман, жұртымыз тыныш, халқымыз бай-қуатты, мемлекетіміздің іргесі бүтін, шаңырағымыз биік болып түтініміз тік ұша берсін! Барша отбасыға жаңа жыл жақсылығын, қуанышын, амандық-саулығын ала келсін!

"The Qazaq Times"