Арктиканың мұзы еруде. Бұл аймақ енді табиғи зертхана емес, геосаяси күрес алаңы. Ресей, Қытай және Батыс елдері Арктикадағы жаңа дәуірді бастады.

Ресей Арктикада әскери инфрақұрылымын күшейтіп, атомдық мұзжарғыштар санын арттыруда. Қытай "Арктикалық Жібек жолын" дамытуды жоспарлауда – бұл Солтүстік теңіз жолдарын пайдалану арқылы логистика мен транзиттік жүкті көбейтеді.
Ұлыбритания Арктиканы "жаңа қауіп аймағы" деп жариялап, қорғаныс стратегиясын өзгертуде.

Арктика – табиғи ресурстардың қоймасы. Мұнда мұнай, газ, сирек металдардың орасан қоры бар. Сонымен қатар, Арктикалық бағыт Еуропа мен Азия арасындағы ең қысқа теңіз жолы. Сондықтан бұл аймақ үшін күрес – экономикалық та, әскери де.

Арктикада "жаңа қырғи-қабақ соғысы" басталуы мүмкін. Табиғи ресурстар мен логистика үшін бәсеке енді қарқын алуда.

The Qazaq Times