Қарсылық күштері үшжақты шабуылға тап болды. Фото: NDTV

Панжшерді бағындару алдында тұрмыз деген «Талибанның» аты мәлім командирлерінің бірі Панжшер шатқалында оққа ұшты. Бұл туралы Ұлттық қарсылық шебі әлеуметтік желі арқылы мәлімдеді.

Аталған мәлімдемеде Ахмед Масуд жетекшілігіндегі Панжшер күштері тәліптерді көрнекті командирлерінің бірі Мавлави Фасихуддинді атып өлтіргендерін айтқан. «Талибан» тарабынан бұл туралы ресми мәлімдеме таратылды.

Бұл апқарат тараудан бұрын Ұлттық қарсылық шебінің баспасөз мәлімдемешісі Фахим Даштинин тәліптер жағынан өлтірілгені туралы мәлімет тараған болатын. Оның қандай жағдайда қаза тапқаны туралы анық мәлімет жоқ.

Соңғы күндері «Талибан» ауыр шығынға ұшырағанына қарамастан Панжшердегі қарсылық күштеріне ту сыртынан шабуыл жасауда. Тәліптер тарабы жүздеген адамның көзін жойғанын, оның арасында шетелдіктер де бар екені туралы мәліметтер тарауда.

Ал кеше, 5 тамыз жексенбі күні тәліптерге бағынбаған соңғы провинцияға «Талибан» күштері үш жақтан бір уақытта шабуыл бастады. Қазір кескілескен ұрыстар Панжшердегі Анава, Руха, Париян жерлерінде болып жатыр.

The Qazaq Times