АҚШ-та миллиардер Ричард Брэнсон мен үш жолаушы ғарыштан жерге оралды.

Брэнсон мінген ғарыш кемесі Нью-Мексика штатындағы шөлейттен ұшып, 15 шақырымға дейін көкке көтерілді. Содан кейін сахатшылар мінген Ю-нити ғарыш ұшағы зымыраннан бөлініп шығып 90 шақырымға дейін биіктеді. Сапар 2 сағатқа созылды. Енді келесі аптада Amazon басшысы Джефф Безос ғарышқа сапарлайды.

Джефф Безостың Blue Origin аэроғарыш компаниясы New Shepard кемесінің экипажбен алғашқы суборбиталық ұшуына орын алуға өтінімдерді 2020 жылдың 20 шілдесінен бастап ұсынған. Бастапқыда компания жоспары бойынша бәссауда жабық режимде өткен. Оған 136 елден 5200 үміткер қатысты.

Жоспар бойынша, ғарыш туристері жерден 100 шақырым биіктікке көтеріліп, суборбиталық кеңістікке енеді. Содан кейін олар ғарышта қалықтап жүріп, салмақсыздық жағдайында планетаны үстінен бірнеше минут тамашалап, жерге үш парашютке байланған арнайы капсуламен оралады. Капсуланың алты терезесі «Боинг-747» ұшағының әйнектерінен әлдеқайда үлкен.

Астрономдардың айтуынша, бұл қашықтықта аспан қара, ал жердің дөңес беті өте анық көрінеді. Дегенмен туристер 400 шақырым биіктікте орналасқан халықаралық ғарыш станциясына жете алмайды. Өткен онжылдықта бұл станцияға барып-қайту үшін туристер ондаған млн доллар төлеген болатын.

2022 жылдан бастап тұрақты ғарыш турлары ұйымдастырылмақ. Бір билеттің құны 250 мың доллар тұрады. Келесі жылға 700 билет алдын ала сатылып қойған.

"The Qazaq Times"