Жевад Зариф тәліптер мен ауған билігінің басын қосып отыр. Фото: Ahram Online

Иран орталық қаласы Теһранда (Тегеран) Ауғанстан үкіметі мен «Талибан» қозғалысы өкілдері арасында келіссөз басталды. Ауғанстанның ішкі диалогына Иран тарабы ара ағайындық жасауда.

Иранның ресми ақпарат құралдары таратқан мәліметтерге қарағанда, келіссөз отырысына Иран сыртқы істер министрі Мұхаммед Жевад Зариф те қатысқан. Ол шараның басталу сөзін сөйлеп, тараптар Ауғанстан болашағы үшін келісімге келуі керек екенін алға тартқан. Зариф сөзінде Ауғанстанның ішкі тұрақтылығын қалпына келтіру үшін тараптардың өз ара түсіністікке жету жолында Иран тарабы барлық көмекті көрсетуге дайын.

Бұған дейін кейбір тәуелсіз сарапшылар АҚШ пен НАТО күштері Ауғанстаннан шегініп шығуы белгілі деңгейде Иранның Ауғанстан мен Орталық Азиядағы ықпалын арттыру мүмкін екенін болжаған. Теһран билігі қазір Ауғанстанда ішкі диалогты бақылауына алуға тырысуда.

“The Qazaq Times”