Португалия. Фото: footboom.net

Ұлыбритания қауіпсіз аймақ деп саналатын «жасыл тізімнен» Португалияны шығарып тастады. Бұған өңірдегі эпидахуалдың нашарлауы себеп болған.

Өз кезегінде Португалия премьер-министрі Ұлыбританияның бұл шешімін қатаң сынға алып, Лондонға Еуропада мақұлданған цифрлық сертификат үлгісін енгізуді ұсынды. Айтуынша, бұл халықтың қозғалысын шектемеуі үшін қажет.

Енді санитарлық ереже бойынша бүгіннен бастап Португалиядан келетін кез келген британдық 10 күн карантинде отырып, екі мәрте коронавирусты анықтайтын тест тапсыруы тиіс. Заңдағы өзгеріске Португалияда демалып жүрген Англия тұрғындары наразы. Туристер еліне жоспарланған мерзімнен бұрын қайту үшін Фару халықаралық әуежайында билеттерін ауыстыра бастады.

Пандемия басталғалы Португалияда 853 мың жағдай тіркеліп, 17 мыңнан астам адам ажал құшқан.

"The Qazaq Times"