Бейжің билігі тыңшылар жайлы ақпарат үшін 72 мың доллар сыйақы беруге дайын

Бейжіңнің құзырлы органдары қала тұрғындарының шетелдік тыңшылар жайлы кез-келген ақпараты үшін 72  мың доллар сыйақы ұсынып отыр.

Бейжіңдегі Мемлекеттік қауіпсіздік муниципалды бюросында тұрғындардан келетін тыңшылар жайлы ақпараттарға арналған арнайы байланыс желісі іске қосылып, келіп түскен ақпараттардың маңыздылығына қарай арнайы ақшалай сыйақы тағайындалған. Келіп түскен ақпарат дәлелденсе, ақпарат беруші 72 мың долларға дейінгі  сыйақының  иесі атана алады.

Осы мәселемен айналысатын арнайы комитет өкілдернің айтуынша: «Бейжің – мемлекттік құпия ақпараттарды ұрлау, мемлекетаралық жаңжалдарды ұйымдастыру сонымен қатар, елдің халықаралық беделіне нұқсан келтіруге байланысты шетелдік тыңшылар мен арнайы агенттердің негізгі нысаны болып табылады. Сол себепті де осындай шараларды ұйымдастыру аса маңызды болып отыр».

South China Morning Post агенттігінің хабарлауыша, осы секілді арнайы байланыс желісін ұйымдастыру Қытайда 2  жыл бұрын қолға алынған болатын.

“The qazaq Times”