АҚШ-тың БҰҰ-дағы тұрақты өкілі Никки Хейли. Фото: centralasian.org

Сүриядағы үкіметті ауыстыру - Құрама Штаттардың сыртқы саясаттағы басты жоспарларының біріне айналды, деп мәлімдеді АҚШ-тың БҰҰ-дағы тұрақты өкілі Никки Хейли.

Си-эн-эн телеарнасына сұхбат берген Хейли көптеген елдерде тыйым салынған "Ислам мемлекеті" экстремистік ұйымымен күресу - басты мақсат болып қала беретінін, бірақ Башар Асад билікте отырғанда, Сүриядағы жанжалды реттеу мүмкін еместігін атап өтті.

7 сәуір түні АҚШ сүриялық үкімет күштерінің авиабазаларына соққы жасап, Идлиб провинциясындағы химиялық шабуылға осылайша жауап берді. 9 сәуірде Ресей және Иран президенттері Владимир Путин мен Хасан Рухани телефонмен сөйлесіп, АҚШ-тың бұл әрекетін сынады.

“The Qazaq Times”