Өзбекстанның экс-президенті Ислам Каримовтың қызы Гүлнара Каримованың Швейцария банктеріндегі 131 миллион доллары өзбек тарабына қайтарылады. Бұлқадам Швейцария мен Өзбекстан келісіміне сәйкес жүзеге аспақ.
Швейцария үкіметінің талабына сәйкес, Ташкент қайтарылған қаржыны қайда жұмсағанын жариялап отыруы керек. Алдағы уақытта бұл сома халықтың жағдайын жақсартып, елдің тұрақты дамуын қамтамасыз ететін жобаларға бөлінбек.
Бұған дейін Каримованың үстінен қылмыстық іс қозғалуы себепті Швейцария банктері есепшотындағы шамамен 879 миллион долларын бұғаттаған еді. Оның үстінен қозғалған қылмыстық іс аясында тағы 715 миллион доллар бұғаттаулы күйде қалған. Бұл қаржы да алдыңғы шартпен Өзбекстанға қайтарылуы мүмкін.
Биыл мамырда Каримованың Франция банктеріндегі 10 миллион доллар ақшасы келіссөздер нәтижесінде Өзбекстанға қайтарылған болатын.
Қазіргі уақытта осы мәселе бойынша Өзбекстан үкіметі Швейцария, АҚШ, Франция, Ресей Федерациясы және тағы басқа елдердің құзырлы органдарымен келіссөздер жүргізіп жатыр.
Республикашылдар иммиграциялық операцияны сынға алды, бірақ Трампты ашық айыптаудан тартынды
Үкім өзгермеді. Мемлекеттік тілдің құны — төрт жыл түрме ме?
Ирандағы қантөгіс пен сыртқы қысым: Трамптың екіұшты сигналы
Конституция тағы өзгермек: реформа ма, әлде билікті қайта құрастыру ма?
АҚШ «тасадағы флотқа» тосқауыл қойды: Olina танкері және теңіздегі жаңа санкциялық соғыс
Атыраудағы жұмбақ жоғалу мен адам өлімі: із-түзсіз артылған отбасы, полиция тергеуі және қоғам реакциясы