Коронавирус індетін жұқтырған тағы 7 адам: Қызылорда облысында – 3 адам, Атырау облысында – 4 адам тіркелді. Ведомствоның ресми дерегінше, дертке шалдыққандардың саны 700-ден асты.

Нақтырақ айтқанда 704 кейс. Олар елдің барлық өңірінен:

  • Астана – 222;
  • Алматы қаласы – 119;
  • Шымкент қаласы – 20;
  • Ақмола облысы – 42;
  • Ақтөбе облысы – 11;
  • Алматы облысы – 10;
  • Атырау облысы – 36;
  • Шығыс Қазақстан облысы – 6;
  • Жамбыл облысы – 45;
  • Батыс Қазақстан облысы – 2;
  • Қарағанды облысы – 55;
  • Қостанай облысы – 3;
  • Қызылорда облысы – 69;
  • Маңғыстау облысы – 5;
  • Павлодар облысы – 1;
  • Солтүстік Қазақстан облысы – 25;
  • Түркістан облысы – 33.

Десе де осы уақыт аралығында ем алғандардың бірқатары дертінен айығып, үйіне жіберілген. 51 адам сауығып шыққан. Олар: астанада – 28, Алматы қаласы – 21, Ақтөбе облысы – 1, Солтүстік Қазақстан облысы – 1 адам.

Ең өкініштісі, індет етек жая бастағаннан-ақ Қазақстанда 6 адам қайтыс болды. Астана мен Шымкентте, Қарағанды және Түркістан облыстарында бір-бірден, ал Ақмола облысында екі кісінің өлімін билік бұрынғы ауруларымен байланысты түсіндіреді.

Елде алғашқы науқас 13 наурызда тіркелді. 27 күнде жеті жүзден асты.

“The Qazaq Times”