Ресей-Араб елдері форумы. Фото: SeptemberNet.

Мәскеуде Ресей мен бірқатар араб елдері сыртқы істер министрлерінің қатысуымен 5-ші реткі Ресей-Араб елдері форумы өтуде. Кезекті форум Таяу-Шығыс және Солтүстік Африка мәселелерін тақырып еткен.

Ресей сыртқы істер министрі Сергей Лавров форумдағы сөзінде: «Форумның күн тәртібінде Таяу-Шығыс пен Солтүстік Африка жағдайы, соның ішінде Палестина-Израиль мәселесі, Сүрия, Ливия және Йемен дағдарысы, сондай-ақ, терроризмге қарсы күрес және химиялық қаруды таратпау мәселелері тұр», – деді.

Ресей тарабы бұл форумды аймақтық және халықаралық мәселелерді шешуде маңызы зор деп санайды. Ресей СІМ басшысы осы форум арқылы сыртқы күштердің Таяу-Шығыс пен Солтүстік Африка елдерінің ішкі істеріне араласуы және өзге де маңызды мәселелерге шешім табуды үміт еткен.

Соңғы жылдары, әсіресе Сүрия дағдарысынан бері қарай, Ресей Таяу-Шығыстағы белсенділігін арттырды. Бұл ретте аймақта Батыс елдерінің ықпалын әлсірету мақсатында Түркия мен Иранды көбірек одақтас етуде. Сондай-ақ, Мәскеу билігі Ресей-Араб елдері форумы арқылы өзінің Таяу-Шығыс және Солтүстік Африкадағы саяси ықпалын мен белсенділігін арттыруды көздейді.

“The Qazaq Times”