Фото: Rosbalt

АҚШ-тың әскери барлау қызметін тоқтатқан офицері, кәсіпкер және инвестор Филип  Билден Әскери-Теңіз күштері министрі қызметінен бас тартты. Бұл туралы Пентагон басшысы Джеймс Мэттистің мәлімдемесіне сілтеме жасап ТАСС хабарлайды.

Кәсіпкердің аталмыш қызметке кандидатурасын  Доналд Трамп ұсынған. Мемлекет басшысы Билден туралы «Ол – өте табысты кәсіпкер. Оның стратегиялық өзіндік көзқарасы бар және тағайындалған бөлімінде тәртіпті жақсартуға қабілеті жетеді» деген.

Ақ үйдің мәлімдеуінше, Билденнің Азия аймақтарындағы проблемалар мен  киберқауіпсіздіктен хабары бар және оларды реттеуге қауқары да жетеді. Осыйлайша, Трамп ұсынған Пентагондағы министрлік қызметтен бас тартқан екінші кандидат.

Еске сала кетейік, ақпан айының басында миллиардер-инвестор Винсент Виола АҚШ армиясының министрі қызметінен бас тартқан болатын. Оған себеп тағы да жеке және қоғамдық мүдделердің қайшылықтары болып табылады.

«The Qazaq Times»