Мұхаммед Жават Зариф. фото: mynamaz.ru

 Иран Сыртқы істер департаментінің басшысы Мұхаммед Жават Зарив АҚШ афроамерикалықтардың құқықтарын бұзып отыр деп кінәлады.

Зариф өзінің Twitter парақшасында: «Вашингтон Иранның Press TV телеарнасындағы афроамерикалық тілшісі Мерзие Хашимиді сотқа дейінгі кезеңде тұтқынға алған. Журналистің қашып кетуге мүмкіндігі қаншалықты болғандығы үшін жауап беруі тиіс» деп мәлімдеме жасады.

Сонымен қатар, Сыртқы істер министрі Мартин Лютер Кингтің өлімінен кейін 50 жыл өтсе де, АҚШ афроамерикалықтардың құқығын бұзып келетіндігін жеткізді.

Естеріңізге сала кетейік, Мерзие Хашими өткен аптада Миссури штатының Сент-Луис қаласында тұтқындалған. Press TV арнасының мәліметі бойынша, АҚШ-тың тәртіп сақшылары тілшінің хиджабын шешпекші болған. Сонымен қатар, уақытша ұстау изоляторында халал ас беруден бас тартқан. Куәгер ретінде тұтқындалған Ирандық журналистің жағдайы болашақта анықталатын болады.

“The Qazaq Times”